Дунен ха хувцаялар теркалду 15% бахархоша
15% бахархоша хӀара шера зувш хьадоагӀаш хӀама да, ха хьалха хиннача беса ца латташ, дикка хувцаялар. 100 сагаца къамаьл деш, оаха дӀабихьача тохкама балхо хьахьекхар из.
«Ӏан шелал, хьалхара бутт йистебала боаллача хана мара, хоалуш хилац, хӀаьта бӀаьстан йӀовхалга сатувсаш, бӀаьстан хьалхарча бетта шиъ, кхоъ кӀира доа», - дийцар Йоккхача Ачалкхерча вахархочо.
70% наха дувцар, шоай бера хана отташ хиннар санна йола шелал, хӀанз вӀалла хилац, яхаш. БӀарчча денош дӀакхухьар бераша соалозаш хехкаш, лай мажаргех ловзаш, Ӏан ханаца сакъердалуш. ХӀанзара Ӏа иштта дац.
10% наха белгалдечох, Ӏан ханага товш йоаца йӀовхал этттача, дегӀа могашал а ший тайпара эшалу, кхыметтел хьайбай вахаре а хоалуш хул из. 45% бахархошта чӀоагӀа безаме хеташ гӀулакх да, кхайсса делхача лайх саготалла арабаьнна лелаш.
