Долакха-Юртара 16 спортсмен Шолжа кхален Хьалхалене котваьлар
Долакха-Юртара 16 спортсмен Шолжа кхале дӀайихьача йийллача Хьалхалене котваьлар, из дӀахьош яр Эбарга-Юрта, яхаш, дийцар «Сердало» газетага къонача спортсмений лаьрххӀача викалаша. «Долакха-Юртарча берий-ондаргий спортивни ишколе Ӏомалуш бараша цу яхьашка дика толам баьккхар, цига яхьебаьннараш бар 7-15 шера даьннараш.
Котбаьлар Манкенаькъан Адам, Шовланаькъан Ахьмад, Манкенаькъан Абдула, Шовланаькъан Мухьаммад, Газиканаькъан Расул, Манкенаькъан Ӏаддал-Рахьман, Бештой Жабраил. Цар лакхара моттигаш яьхар. Манкенаькъан ИсмаӀала, Зурабанаькъан Халида дото совгӀаташ делар. Зурабанаькъан Адама, Ӏалбаканаькъан Элберда, Зурабанаькъан Ӏаддала, Жандаранаькъан Юсуфа, БалханаькъUан Ӏаддала кхоалагӀа моттиг кхаьчар. Уж Ӏомалуш ба Гаркхой Шамала кулгалдеш», - аьлар хоамо.
Цул совгӀа, дошо майдилг яьккхар Гаркхой Имрана, из ва Акхасаганаькъан Микаила Ӏомавеш.
