2024-ча шера республикера юкъара 20 моттиг тоаяьй
22.01.2025 11:52
Ийс моттигера 20 доазув бахархошта тоадеш болх чакхбаьккхаб вай мехка. Шахьара куц тоадарах йолча федеральни проектера 130 млн сом рузкъа хьакъоастадаьдар цу гӀулакха.
5 сквер, 12 доазон куц эргадоаккхаш къахьийгар республике. Бахархошта салаӀа, арабаьнна гобаккха аьттув луш я тахан уж моттигаш. Паччахьалкхен зарбан болх лелабераша белгалдечох, тӀехьарча шерашка бахархоша дикка дакъа лоац шахьара доазонаш тоадеш дӀахьоча балха юкъе. Эггара хьалха тоае езараш малагӀа моттигаш я къоастадеш дӀадихьача хоржамашка дакъа лаьцар укх шера 67 эзар совгӀа cага.
