ГӀалгӀай къаман
юкъара газет

Карарча шера дукхагIа теркалдергда юртбоахамца, Iаламца дувзаденна дешаш

Главой республики Махмудом-Али Калиматовым 2023 год объявлен в Ингушетии сельскохозяйственным и экологическим. Об этом он сообщил в ходе рабочей встречи с Правительством региона, информировали газету «Сердало» в пресс-службе руководителя РИ.

«ДIадаха шу, къахьегаш, дIакъайлар вай, ала йиш я тахан. Геттара дика да, ала йиш хургья вайга, мехка хьалхашка латта тайп-тайпара кхоачамбоацараш юстардаьхача.

Белгалде деза, Iалама хьал вай тоадарга хьежжа мара юртбоахама гIулакх меттадоагIаргдоацилга. Республикерча ишколашка, берий бешамашка, дарбанчешка, интернаташка дикагIдола хиш цIенду гIирсаш хила деза. Теркалде деза, уж хIамаш вай мехка хьаеш йолга. Цунга хьежжа, лакхача боараме хила беза цу мугIарера болх», — дийцар мехкадас Келаматанаькъан Махьмуд-Iаьлас.

Республикан кулгалхочо белгалдир, 2023-гIа шу йоккхача проектий, беркатеча лерхIамий шу хила деза, аьнна. Чакхдаха деза муниципальни хоржамаш, хьалхарча кхаь бетта хьаелла лерхI 30 совгIа вахара хьашташца ювзаенна гIишлош. Ала деза, наькъаш тоадара гIулакх вай лакхача боараме дIадихьад, аьнна, дикка толамаш даьхад вай гIишлош еча балха тIа а.

Ассиновски хин кхоачам лоаттабеча моттиго, республикански лоархIам бола дарбанче хьаяро хицара хьал, унахцIенон гIулакх тоадергда вайцига. Мехкадас аьлар, укх шера чакхъяха езача йоккхача проектий гIулакх кастта хургйолча, берригача хьакимаша дакъа лоацача, кхетаче къоастадергда, аьнна.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде