Магасерча жӏакай республикански яхье, 23 шахматиста дакъа лаьцар
Магасерча спортах, туризмах, культурах йолча моттиго жӏакай Федерацеца цхьана дӏахьоча яхье дакъа лоацаш хилар вай мехкара 23 къона спортсмен. Из хоам «Сердалога» бир ЦКСиТ.
«Жӏакайх ловза чам бола саг хӏара дезале хургва. 2015-ча шерара кӏаьнкаш, йиӏигаш бар турнира юкъе. Керттера судхо Пхьилекъонгий Муса волаш, берригаш раьза болаш, боаггӏача боараме чакхъяьлар яхьаш», - дийцар тха газетага.
Кӏаьнкашта юкъе котало Омархаджаевгӏар ӏумарга кхаьчар, шоллагӏча моттиге эттар Марзбиканаькъан ӏимран, кхоалагӏа моттиг Цӏечой Рамзана елар, 4-ча моттиге оттавир Омархаджаевгӏар Калой.
Йиӏигашта юкъе котало Овшанаькъан Залинас яьккхар, шоллагӏа моттиг Олиганаькъан Лидайна кхаьчар. Дото, борза майдилгаш кхаьчар Исмейланаькъан Мухьмада, Татренаькъан Араила.
