33 шу хьалха къаьстар вайцара турпал- лётчик Осканаькъан Сулумбик
Вай дегашта цӀаккха а вицвала йиш йоацача турпала Осканаькъан Сулумбика вахара никъ, цӀаьхха, хаьда 33 шу дизад. Ший вахара оагӀонашка вай мехкадас Келаматанаькъан Махьмуд-Ӏаьлас хьоахадир цох лаьца.
1992-ча шера саькура бетта 7-ча дийнахьа, ший фецарча кемаца лакхеваьнна вай мехкахо, цу дийнахьара хаоттам дика цахиларах, боаггӀача боараме хӀама бӀарга ца гуш висар. Липецки областерча Хворостянка яхача юрта лакхе яр цун Миг-29.
Хоржам эттар цун хьалхашка - чутоссавенна кӀалхарвала, кӀалхарча юрта бахача наха зе ца деш, лакхера фецара кема гаьнадаккхар. Ший вахара уйла ца еш, нах боацача оагӀорахьа дӀадерзадир цо ший фецара кема.
«Юртарча наха сийленг оттадир вай мехкахочунна, хӀара шера дагалоац цар турпал Осканаькъан Сулумбик. Даьхенах дог лазаш, денал долаш, ше дӀакхаьчача моттиге шийна тӀехьа хоза цӀи юташ, чакхваьннав вай эздий мехкахо», - язду Мехкадас.
Республикан кулгалхочо иштта белгалдир, гӀалгӀай къамо ший турпалаш, сийдола къонгаш беза болаш дагалоаттабелга, цар вахара наькъах доаккхал делга.
