72 майдилг яьккхар Кисловодске дӀайихьача панкратионах йолча яхье
27.02.2025 16:42
Тайп-тайпара дозал дола 72 майдилг яьккхар ГӏалгӀайчен гулъяьча тоабо Къилбаседа Кавказа федеральни куран панкратионах йолча чемпионате, яхаш, дийцар спортивни латара Федераце.
«Дика кийчбенна хилар бахьан долаш, ГӀалгӀайчен латара лакха говзал йолча спортсменаша 25 дошо, 22 дото, 25 борза совгӀаташ дера», - йоах хоамо.
Белгалду, вай мехкахой дикагӀа хилар командо юкъара даьр белгалдеча. ШоллагӀча моттиге хилар Селий мехкара, Нохчий Республикан тоабаш.
Тӏехьарча хана, из спорт вайцига дика дегӀайоагӀаш я. ДегӀалболхаш долча латара секцеш дукха я, вайцигарча юрташка болх беш.
