ГӀалгӀайчен Янданаькъан Абтена «Россе сийдола донор» яха цӀи еннай
28.04.2025 15:09
ГӀалгӀай Республикан физически культуран, спорта министра гӀончанна, Россе самбо Федераце вице-президента Янданаькъан Абтена «Россе сийдола донор» яха цӀи елар.
Мусай Абти цӀий дӀалуш хьавоагӀа ха я 6 шуи, ши бутти, 29 дии. Спортивни болхлочун цӀий чӀоагӀа мах болаш да лорашта санна унахошта а. Из дувзаденна да Янданаькъан Абте наггахьа мара нийслуш доаца цӀий хиларца.
«Из доккха совгӀат да сона, хӀана аьлча, хӀара цӀий дӀа мел луча хана, айса цхьан сага вахар кӀалхардаккхарах гӀадвахе аравоал со цигара! ЦӀий дӀадалар из дика гӀулакх да - сий долаш, лоархӀаме, пайдане!» - аьлар Янданаькъан Абте.
