«Ади Ахьмад» клуба Сибрен Хьалхале яккхара яхьашка толам баьккхар
30.04.2026 09:32
«Ади Ахьмад» спортивни клуба викалаша эллиной-румий латарах 24 шу даьннача ондаргашта юкъе дӏахьоча Сибрен федеральни куран толам баьккхар. Из хоам «Сердало» газетага бу Гӏалгӏай Республикан спортивни латара Федераце.
«Эллиной-румий латархоша вай республиканнна ши майдилг ера бекарга бетта 25-ча, 26-ча деношка Новосибирске дӏахьош хиннача яхьашкара. Шоай спортивни говзал гойтар Алтайский, Красноярский краяшкара, Иркутскера, Кемеровера, Новосибирскера, Омски областера, Алтая, Хакасе республикашкара венача 130 совгӏа волча спортсмена. Вай мехкахо Мазаевгӏар Турпал котваьннав аьнна хьакхайкадир, дозал 82 кг долаш. Янданаькъан Мурада «борза» совгӏат делар 67 кг кхоачаш», - аьлар хоамо.
