ГӀалгӀайчен ахархой кийча ба гуйран балхашка
06.10.2023 17:04
Юртбоахама министерстве хӀара кӀира дӀахьош йолча ГУПий гулламе аьлар, гурахьа дӀахьош долча кхашкарча балхашта кийчо яьй, аьнна: гурахьа дӀадувш дола ялат дӀадера, тӀехьа чуэцаш йола культураш чуэцара. Цунах дийцар «Сердало» газетага юртбоахаме.
Лаьтта, тоха езаш йола молхаш теха кийчдаьд, техника эшаш дола доагор долаш да. Иштта ялат чу леладеш йола моттиг а кийчъяьй, чуийца баьнна хьувкъам лорабара йола кийчо дика яьй, аьлар юртбоахама министерствон чудоагӀача боахамий кулгалхоша.
Цул совгӀа, дийцар дийнаташца бе беза болх дӀабахьа безаш хиларах; боахамаша республикан юртбоахама центра викалашца цхьана цу деша теркам бу.
