Академика Курскенаькъан ӏадрахьмана къахьегама никъ
1937-ча шера Онгашта ваь хиннав цӏихеза академик Курскенаькъан ӏадрахьман.
Къаман ӏилман академе академик, Казахстана къаман инженерни академе ӏилман академик хиннав из. Инженер волаш дӏаволавенна, Академикага кхаччалца къахьегаш хьавенав из - Дуненах долча ӏилман оагӏон кулгалхо, сейсмологех йолча Института кулгалхо. Мохк агарах бола болх дӏахьош йола дерригача дуненна цӏихеза институт хилар цох, цо кулгал деш. Китае, Японе кепа етташ, таржамаш деш арадийннад цун сейсмологех дола говза балхаш.
Каьхаташ:
- 1949-1955-ча шерашка Терсански юкъера ишкол яккхарах дола аттестат;
- Диплома балха тема «Ботански моттигера цӏаста лохаш геофизически тохкамаш деш йола проект»;
- Къаман ӏилман академе РК вице-президента Надиров К.Н.баркал алар;
- «Хила хьакъ долча тайпара бола сатийна а сатийна доацача а (флюидех дизача) ӏалама лаьттан хьал довзийташ бола юкъера бувзам», яхача темах къаман авторий академегера патент (2010 шу);
- Нобелевски преме лауреат хиннача Капица Пётр Леонидовича хетаяь йола «ӏилманца боккха болх дӏабихьача автора» яха майдилгаца денна диплом 08.11.2011 шу - Мехкдаьттан оагӏонцарча геологецара боккха толам баккхар;
- «Сийле.Толам.Къахьегам» яха Георгиевски майдилг, Къамашта юкъерча Академе Оагӏон «Дошо толам», 27.05.2002 шу;
- «Къамашта, халкъашта юкъера бувзам чӏоагӏбара тӏехьа къахьегарах» йола мехкадаьгара грамота, 06.06.2012 шу.
- Казахстана Республикан МЧС министрагара Ильинагара баркал оалаш дола каьхат, 27.09.2022 шу;
- 1977-ча шера социалистически декхараш тӏехдика кхоачашдарах, дикка белгалваларах Казахски ССР ӏилман Академе Президиумагара лоархӏаме грамота;
- Геофизике, сейсмологе боккха ӏилман болх боаржабеш толам баккхарах, ӏилман Министерствон 60 шу дизара хетабаь лоархӏаме болх дӏабахьарах; Казастана ӏилман гӏулакхех йолча министерствогара Лерхӏама грамота;
- «Бахархой лорабара дакъа дегӏакхувлача хьинаре къахьегарах» яха хьарак, 15.09.2022 шу;
- Казахски ССР 70 шу дизара хетабаь геофизика оагӏонца КАЗССР АН сейсмологех йолча института толашагӏа бола ӏилман болх белгалбеча яхьашка котваларах денна диплом.
Казастанерча Алма-Аты яхача шахьаре, 88 шу даьнна волаш, 22.12.2025-ча шера вахар хаьдар Курскенаькъан ӏадрахьмана.
