Цу акцена тарра Назране Коталон цIермашина хьакхаьчар. Цунна духьал ваха хилар горсовета депутат Бохтаранаькъан Ювсап, ГIР вице-премьер Амринаькъан Марем, ГIалгIайчен культура министр Дзейтанаькъан Тамерлан, Назрань шахьара кулгалхо Йовлой Урусхан, Горски кадетий корпуса курсанташ къонаармейцашца цхьана, хьаьший а бахархой а хилар цига, - аьнна хоам бу «Сердало» газетага шахьара администраце. Коталон ЦIермашина цIермашина наькътIа духьалабахар.

Акце дакъалоацаш хиннарашта бIаргадайра сийлен караул а иштта царна хозаш хилар Российски Федераце, ГIалгIай гимнаш.

Цига моаршал хоатташ йист хилар Суворова ордена цIерагIа йолча 58 арме тIема-политически балха командира заместитель вола А.Ю.Лукъяненко, иштта ВКС ПВО 4-ча арме тIема – политически балха кулгалхочун заместитель Ю.Ю. Яров.

Исторе оагIонаш хьагойташ йола вагон чIоагIа гулбеннарий терко тIаозаш яр. Цу чу го йиш яр «Дагалоаттама никъ» яха музеера комплексаш, иштта го йиш хилар тематически вагонаш, таханарча армена карагIдоалар гуш дар цига а, цу юкъедоагIар пандемия лазар латтача юкъа тIема лораша баь болх гойташ дола сурт а.