Къарший-Черсий мехка кулгал дар хьехаш хилар вай мехкахо
24.05.2024 09:39
«ГӀончий ишкол» яха кхаь денна йола, Къарший-Черсий мехкарча кулгал дерашцара дешара болх йистебаьлар селхан. Сайташкара доалахой санна дакъа лоацаш вар цига вай мехкахо Охценаькъан Ислам. Из хоам «Сердало» газетага бир «Дешар» яхача Россе оагӀоно.
«ДӀайихьача кхетаче де дезаш хиннар – моттигера хьал тоадергдола, айдергдола проект вӀашагӀйоллар. Къонача говзанчо де дезар хьалхадоаккхаш, дешара оагӀонцара боккъал башха проект хьакхеллар тоабо», - йоах тхогарча хоамо.
Охценаькъан Ислама белгалдечох, цигарча кулгал леладеча болхлошца беркате гӀулакх вӀашагӀдолла аьттув баьлар цар. Кастта цу мехка хьалхалаттача Темрезов Рашида хьалхашка шоай проект йовзийташ, из беркате йолга гучадоаккхаш бола болх дӀабахьа безаргба цар.
