«Къона ва со.Конф [регионаш]» яхача яхьашка дакъа лаьцар ва вай мехкахочо
![«Къона ва со.Конф [регионаш]» яхача яхьашка дакъа лаьцар ва вай мехкахочо](https://serdalo.ru/storage/FhPmClBY3Pgg12gItyNIpjdIpgHtQnxRm72OOw4H.jpg)
Республикерча кагирхой цхьанкхетарий Цӏенна кулгал деш волча Ведажанаькъан Зоврбика дакъа лаьцар Салехард яхача шахьаре дӏахьоча «Къона ва со. Конф[регионаш]» яхача кхетаче. Из хоам «Сердалога» бир цу цӏен болхлоша.
«Укх бетта 24-ча денгара 27-ча денга кхаччалца йолча хана, кагирхошта кхетам баларца дувзаденнарех, тахан цу оагӏонца гучадаьннача кердадарех, кхувш латтача тӏехьенцарча бувзама юкъе хьакхелла хьаькъал доаладеш, къахьегарах дийцар гулбеннараша», - йоах тха газетага кхаьчача хоамо.
«Ведажанаькъан Зоврбика иштта лоархӏаме йолча кхетаче дакъа лацар вай мехка пайдане долаш да массехк оагӏорахьара. 80 регионера гулбенначарца цхьацца дӏа-хьа эца, кагирхошца дӏахьоча балхаца накъадаргдараш теркалде аьттув хилар цига», - белгалдир кагирхой цхьанкхетарий Цӏен кулгалхочун гӏонча волча Чӏасанаькъан Руслана.
