Ивановски областе дӏахьоча семинаре-кхетаче дакъа лоацаш ва вай мехкахо
17.11.2025 09:35
«Роскагирхой.Гранташ» яхача дешара кхетаче дакъа лоацаш ва вай мехкахо Чахкенаькъан ӏаьла. Хӏара шерара из кхетаче Ивановски областе дӏахьош я. «Сердалога» из хоам Магасерча кагирхой цхьанкхетара болхлоша бир.
«Кагирхой проекташ хьаллоацаш, йоаржаеш; болх дӏабахьарах дийцар мехкашкара гулъеннача тоабашца. Вай мехкахо Чахкенаькъан ӏаьла республике цу оагӏонцара кердадараш доаржаде лаьрхӏа къахьегаш ва. Семинарашка дакъа лоацаш, цхьацца пайдане хургдараш ӏомаде, хьаэца йиш йолча кхетаченашка ухаш, кагирхой оагӏонцарча моттигашца бувзам лелабеш ва из тахан», - дийцар тха газетага.
