ГӏалгӀайчера Цӏокъанаькъан Ӏаьла котваьлар, ший лоӀамеча латара Европан Хьалхале къайсача
13.03.2026 12:28
ГӏалгӀай Республикан викала Цӏокъанаькъан Ӏаьлас хьалхара моттиг яьккхар Сербе дӀахьош хиннача ший лоӀамеча латара U-23 Европан Хьалхалене, яхаш, дийцар «Сердало» газетага ГӀР спортивни латара федераце.
«Хьалхара моттиг яьккхар яхье начӀал долча латархочо-лоӀамхочо, из мехкал арахьа а дика вовзаш ва. Шийца яхьеваьнна 92 кг кхоачаш дозал дола виъ спортсмен эшавир цо. Турце викала духьалара тӏеххьара латар чакхдаьлар 11:0 йолаш, вай спортсмен котвоалаш», - аьлар хоамо.
Хьалха «Сердало» газета яздаьдар, 23 шу даьннача спортсменашта юкъе дӀахьош хиннача ший лоӀамеча латара Чемпионате, Европа Хьалхалене вежараша Хоаной Мухьмад-ТӀахӀира, ИсмаӀала котало яккхарах.
