Говрий дирст, кхыбола кхоачам хьабеш йола говзал караерзаяь ва Озанаькъан Ӏамархан
13.09.2026 14:33
Говрий дирст хьаеш бола болх дикка шаьрбаь, цу оагӏонца къахьегаш ва тахан вай мехкахо Озанаькъан Мухажара Ӏамархан. Говрий нувр, дирст, шод, иштта кхыйола цу хьайбаца эша хIамаш хьаеш ва из тахан ший кулгашца. Ший болх чӏоагӏа дика, говра а иштта цу тӏа вагӏаргволча сага а уйла еш, паргӏатагӏа, дикагӏа хургдолча тайпара хьабеш ва из.
Ӏамархан ше говраш лелаеш, из хьайба чӏоагӏа боча долаш ва дега. Говрашца лелар дезаденна, дега гарга долчар «Акха дивизи» клуба юкъе волаш, цу оагӏонцара деррига ӏадаташ довзаш, лорадеш волаш хьавоагӏа вай мехкахо.
