Эккажкъонгий-Юртара № 2 йола ишкол яьккха баьннараш даькъалабийцар ЦТКиКИ артисташа
Миллионаш российски дешархошта тӏеххьара гургал техар. Вахара цхьан наькъ тӏара боккхача, лоархӏамеча наькъ тӏа гӏа баккха кийчлуш барашта доккха ди да из. Керда вахара никъ дӏаболабераш даькъалабувца ишколе баьхка хилар театра, кино, кердадарий оагӏон артисташ.
«Дешара шу чакхдаьнна, ишколаца ӏадика ювцараш, хьехархой, иштта берий дай- ноаной даькъалабувца баха хилар тха артисташ. Пхьугой Амира, Исраиланаькъан Ларисас, Беканаькъан Хадес царна лаьрхӏа иллеш дӏааьлар цига. Ишколаца, хьай дега хьамсара хиннача хьехархошца ӏадика ювцаш дола ди ший тайпара хул дийша баьнна дӏаболхарашта; иразе, беркате хилба цар никъ дӏахо, ала лов тахан», - дийцар «Сердалога» ЦТКиКИ зарбан болх лелабераша.
Дӏахо, экзаменаш дӏаяла езаш, вахаре шоаш дӏахьоргбола никъ харжа безаш ба къонабараш. Кердача наькъ тӏа боалаш, царна накъадаргдарех дийцар цига гулбеннараша.
