ГӏалгӀайчен артисташа дакъа лоац, Шолжа-Гӏалий тӀарча кхетаче
Россе театрай болхлой Союза тӀадоагӀача шера 150 шу дузаш хиларга кийчо еш, мехка театра кхетаченаш дӀахьош латт. ШоллагӀа яр царех укх деношка Шолжа-Гӏалий тӀарча Нохчий Республикан Къаман библиотеке дӀайихьар. Вайцигара цига баха хилар ГӏалгӀайчен паччахьалкхен драмтеатра актёраш Зейтанаькъан Рукъет, иштта Дебаранаькъан Макка.
Театра зарбан болх лелабераша яхачох, кхетачен болх дӀабахьара бахьан да - Россе театра искусствон оагӀув дегӀайоалаяр 2035 шерга кхоачаш.
«Кхетачено таро лу цхьана из оагӀув дикагӀа тахка, дешара иштта цу даькъ тӀара болх вӏашагӏболлара хаттараш кхоачашде, балха говзал эца. Моттигера, федеральни доакъашхой юкъебоалабеш хиларца; болх дикагӀа тоабу, мехка дерригача театрай хургдар балха даькъ тӀа доаккхаш», - аьлар ГӏалгӀайчен паччахьалкхен драматически театре.
Белгалду, Шолжа-Гӏалий тӀа дӀайихьа кхетаче, кхыча моттигашка санна, РФ театра болхлой Союза чуйоагӀаш яр, РФ культура Министерство хьал а лоацаш.
