Археологашта Жӏайрахьа кхале хиннача къаьнарча шахьара лар корайир
24.05.2025 22:50
Жӏайрахьа кхале, «Тӏехьале» яхача ишкола археологически эекспедицена корайир, гӀалгӀай къаман исторена кердадараш юкъедаха тарлуш йола лоархӀаме моттиг. Ишкола зарбан болх лелабераша яхачох, ГӀалгӀай-Коашке оалача чӀоже тохкамхошта нийсъелар къаьнарча заман шахьара лар.
Лаьтта хьал мел доаккха гучадоалаш дар кхерах даь пенаш, уж да ши километр. Цо хьагойт цига хьалха йовзаш ца хинна архитектурни гӀишлош хиннилга, уж шин хин юкъе я, цигара хеталу, из духхьал гӀишло хинна Ӏац, бӀарчча шахьар я аьле.
Белгалду, хьалхагӀа цу моттиге геттара йоккха гӀишлош кораяр, уж яр вай зама кхоллалехь ӀӀ эзар шу хьалха хинна, цо хьагойт ширача ханашка лоархӀаме йола вахара моттигаш цига хинна хилар.
