«АСМ Группо» дӏаязъе могаяьй Гӏалгӏай лоамашкара ширача заман 39 гӏишло
«САФМАР» ганза хьаллоацаш, лоаман юрташка гучаювлаш йолча, хьалхагӏа йовзаш ца хиннача моттигий гӏулакх чӏоагӏдеш ба «АСМ Групп» доакъашхой. Цаӏ йолча электронни базе дӏаязъеш я уж. Цул совгӏа, исторически оагӏонга диллача лоархӏаме йола моттигаш юридически оагӏонца лораеш хургйолаш, культурацарча тӏехьален моттигерча реестра юкъехьош я.
«Сердалога» беча хоамах «АСМ Групп» тоабо Гирети яхача гӏалай юртара болх чакхбаьккхаб. Культуран тӏехьаленцара 20 моттиг я реестра юкъе. Кхы а 39 сийленг хинна моттигаш гучаяьлар царна, цу юкъе гӏалаш, малхара кашамаш хинна кӏийленаш я, иштта 30 чурт.
Цу оагӏонцарча комитете из деррига чулоацаш каьхат чуденнад «АСМ Групп» викалаша. Культуран тӏехьаленцара моттигаш юкъехьош бола болх 90 дийнахьа чакхбаккха безаш ба уж. Цул тӏехьагӏа Россе сийленгашта юкъе шоай йизза моттиг дӏалаьца хургда из деррига.
