ГӏалгӀайчера автобус юкъе йолаш авари йир Пятигорске
Ставропольски края Зольски кхале доккха наькъа хатар нийсделар, цу юкъе яр «Москва-Наьсаре» рейса йодаш хинна автобус. Наькъа 30-гӀа километр йолаш, «Пятигорска шахьара Обход» яхача автомобильни наькъ тӀа, транспорт халача хьалашка оттарах, наькъа хьовзам хилар.
Хоамо яхачох, «Neoplan» автобуса новкъарло ярах. «Москва-Наьсаре», ийс саг чу а волаш, «Mercedes-Benz ACTROS» яхача мухь кхухьача машинах а КамАЗах а кхийтар. Цул тӀехьагӀа автобусах кхийтар «Ford Focus» яха зӀамагӀа йола машин, из хьал кхы тӀа чоалхане а дерзадеш.
Цу юкъе лозаваьв виъ саг. МВД баьча хоамах автобуса чу ваьгӀа ши саг, иштта цун водитель, зӀамагӀа йолча машbна водитель тайп-тайпара човнаш хинна, дарбанче дӀабигаб. Юхебисараш дукха лозабаьбац, ираза. Хӏанз тохкаш да из нийсдалара бахьан.
