Загреб - 2026 шера йийллача чемпионате, толам баьккхар Йовлой Ислама
10.02.2026 10:10
Халкъашта юкъерча латара федераце (UWW) дӏахьош йолча Загреб - 2026 шера йийллача чемпионате котало яьккхар «Ади Ахмад» яхача спорта клуба доакъашхо волча Йовлой Ислама.
«Сердалога» из хоам бера спортацарча латарах йолча Федераце зарбан болх лелаберашкара. «Хорватерча Загреб оалача шахьар тӏа дӏайихьар яхьаш, укх бетта 4-ча денгара 8-ча денга кхоачаш.
Эллиной-румий латаре дикка белгалваьлар вай мехкахо Йовлой Ислам. 97 кийла дозал дарашта юкъе дото майдилг яьккхар вай спортсмена», - дийцар тха газетага.
Хьалхагӏа «Сердало» газето яздаьдар, Эр-Рияде хиннача яхьашка Ислам шоллагӏча лагӏа тӏа воалаш дикка белгалваьннилга 87 кийла дозал дарашта юкъе.
