Шолжá, Ӏамá гонахьара моттигаш цӀенъеш хилар шолжахой
Шолжа, моттигерча Ӏама гонахьара моттигаш цӀенъеш болх дӀабихьар Шолже бахача наха. «Россе хиш» яхача беркатеча боламанна чубоагӀаш бар из болх. Из хоам «Сердало» газетага бир Ӏалама гӀулакхех йолча министерствон къахьегамхоша.
«Эггара хьалхарча аргӀагӀа нувхех, ца эшача хӀамаех цӀендир шахьарерча Ӏама бердаш. Шахьара мэр, горсовета викалаш, иштта кхыбола болхлой юкъе болаш дӀабихьар из болх. Хоза барт болаш, дӀадихьача гӀулакхо юстаръяьхар 50 гали совгӀа нувхаш.
ШоллагӀча даькъе бахархой цӀенъе айттар Шолжа гонахье. Шахьара администраце къахьегамхоша, студенташа дакъа лоацаш, дӀабихьар из болх. Ши километр совгӀа дола доазув цӀендеш 70 гали совгӀа хӀамаш гулйир цар», - йоах тхогарча хоамо.
Ӏалама доккха зе деш йолча шушай Ӏоакъингехи пластикахи латташ яр дӀаяьха нувхаш дукхагӀча даькъе. Ӏалама гӀулакхех йолча министерствон болхлоша доккха баркал оал цу къахьегама шоаттанна юкъе дакъа мел лаьцарашта.
