Мах боацаш, цӀи йоаца лазар дий хьожаш лорашка чакхбала йиш я, цӀай долча деношка
Сийлахьа-боккхача Даьймехка тӀем тӀа Котало яьккха 80 шу дузаш, ГӏалгӀай Республикан унахцӀенон Министерствос вай бахархошта таро лу, мах а боацаш, шоай могашалга хьажа – республикан онкологически диспансере чакхбала. Из болам Пхьилекъонгий-Юрта дӀахьоргба, 2025 шера маьтсела бетта 3-10-ча деношка, яхаш, дийцар ГӏалгӀайчен унахцӀенон Министерствон зарбан болх лелабераша.
«Хьалххе а лорашка чакхвоалаш хиларо таро лу цӀийоацар оалача лазара дарба де. Цудухьа цу болама чудоагӀаш да, мах боацаш, лазар дий хьожаш нах чакхбахар, кхыдола дарбаш дар. Наькха кизга оттаде йиш йолаш ба кхалнах, цӀека лазар дий хьажа а рентген яккха а таро я. МаӀача наьха а таро я наькха КТ, УЗИ яккха, цӀека лазар дий хьажа, ПСА боарам хара анализ дӀачуяла», - йоах хоамо.
ГӏалгӀайчен унахцӀенон Министерствос вай бахархой тӀахьех, уж лоархӀам бола моттигаш лелаяра, шоай ха пайданеча хӀаман тӀехьа йоаяра. Лорашка чакхваларо ший ханнахьа лазар гучадоаккх, цунга хьежжа дарба де а йиш я цунна.
Шоашца паспорт, лорий полис, СНИЛС хьаэца. Болам дӀахьоргба Республикански онкологически дарбанчен фусаме. Из я укх адресах: Пхьилекъонгий-Юрт, Больнични урам №4. Нах тӀаэцаргба: маьтсела бетта 3-10-ча деношка 09 даьлча денз 15 сахьат даллалца.
