«Ганзо 2000 мерзача хӀамайсовгӀаташ дергда республикан бархӀ лаьрххӀа йолча моттига: Наьсарен №1 йолча ишкола-интерната, Магас-Шахьарерча дистанционни оалача кепара дешача центра, Чаненаькъан А. цӀерагӀча санаторно-хьун ишколанна, социально-меттаоттара йолча кхувшбоагӀарий центра, Эбарга-Юртарча «Забота» яхача цӀен-интернат, иштта кхычарна. Из доацаш а, республикан культуран моттигашта а совгӀаташ дохьийтаргда: Хамхой А. цӀерагӀча филармоне, Янданаькъан Джамалдий цӀерагӀча къаман библиотеке, паччахьалкхен искусствай колледже, искусствай керттерча ишколе, паччахьалкхен исбахьален искусствай музее, иштта кхычахьа. СовгӀаташ лургда ЖӀайрахьа кхален юрташкарча ишколашта», - йоах хоамо.