Машинаш Iоувттае моттигаш хьае, аьнна, тIадиллар Наьсарерча бизнесменашта
27.01.2025 09:33
Осканаькъан цIи лелаеш бола Наьсарера го тоабеш къахьегаш боахк тахан. Шахьара да волча Оздой Руслана бизнесменашта тIадиллад; шоаш болх беча моттигашка машинаш Iоувттае доазош къоастаде, аьнна. «Наьсаре-Шолжа шахьар» яха никъ лелабеш йола машинаш Iоувттаергйола моттиг тоаяь яла йоалл.
«Шахьара куц тоадеча балха юкъе, бизнеса дакъа лоацаш дика хет. Шахьара экономикан а боккха пайда хул цох», - аьлар хьакима.
Белгалде деза, из болх йистебаьлча, дIа-хьа ухача машинашта, наха дуккха паргIатагIа хургйолга.
