Кхаь мехкара блогераш Гӏалгӏайче йовзаш ба, блог-тура чудоагӏаш
Гӏалгӏайче дӏахьош я «Хьаелла Гӏалгӏайче» яха блог-тур. Гуржегӏара, Абхазий мехкара, Белоруссера СМИ викалаш, блогераш республикага хьожаш бола массехк ди да.
Хьаьший республике баьхкар ардара бетта 9-ча дийнахьа. Шоллагӏча дийнахьа уж бахар Жӏайрахьа кхале, уж хилар Тхьаба-Ерд оала элгац долча, иштта Пхьуй, Аьга-Кхала гӏалаш ягӏача. Пхьуй бахача хана, царна дайра исторически тӏехьале меттаоттаяра балхаш дӏахьош хилар. Цул совгӏа, блогераш Цӏайлоама дукъ тӏа хилар.
Ардара бетта 11-ча дийнахьа из тоаба Маьтлоам тӏа яьлар. Уж наькъа арабаьлар геттара ӏуйрийна, цу наькъо дӏалаьцар бӏарчча ди. Из болх чакхбаьнначул тӏехьагӏа, хьаьший тӏаийцар «Кушта»: царна лаьрхӏа пхьор оттадир, экскурси дӏайихьар.
Доакъашхошта экскурси яра чудоагӏаш гойтар республикан столица, уж хилар Барта Гӏала йолча, иштта цар вӏашагӏкхетар хилар Гӏалгӏайчен культуран, туризма министраца Лаьнанаькъан Залинайца.
Блог-тур чакхъяьлар ардара бетта 13-ча дийнахьа. Из болх вӏашагӏбеллараш тешаш ба; хьаьшашта Гӏалгӏайчен таронаш йовзаргья, цар шоашта хийттар нахаца декъаргда, аьнна.
