Боксёраша, Соче дӀайихьача яхье, 6 майдилг яьккхар
01.07.2024 11:12
Советски Союза Турпалхочун М. Нагуляна сийна дӀахьош хиннача боксах йолча 38-ча яхье, 300 тӀоарска кулгахйоахкоргий говзанчаш нийсбелар, цу юкъе Яндакъонгий-Юртарча Янданаькъан Жамалдий цӀерагӀча юкъерча ишколе Янданаькъан Мухьмада, Ӏалбаканаькъан Ахьмада хьехаш бола спортсменаш а болаш, яхаш, дувц «Сердало» газетага ГӀалгӀай Республикан бокса Федераце.
«Республикан совгӀатий ганза тӀа ӀотӀакхийтар Котанаькъан Ӏаддал-Малика, Янданаькъан Ахьмада даьха борза совгӀаташ.
«Дотув» делар Ӏаьленаькъан Халита, Янданаькъан Рамзанаи СаӀидаи. ХӀаьта Янданаькъан Салахадинах дикагӀа вола спортсмен лаьрхӀар цу яхьашка», - йоах хоамо.
