Юртбоахама болхлочун Денца ювзаенна ярмарка дIахьоргья, Назранерча ДК майдане, тау бетта 26-ча дийнахьа.

Iалбаканаькъан Мухажира аьнначох, Юртбоахама министерстве группа я, из болх дIабахьара вIашагIъелла. Кийчъяь я плани доакъашхой спискаши. Уж я, хIанзарчо республика — 45 юртбоахамеи, иштта КФХ предприятеш.

Иштта, бахархой тара хургья, арахьара йоаца, мехка кхеяь, хьувкъамхой маьхагIа йола продукци эца.

Из хинна а Iац, 10 ди хьалхагIа, тау бетта 17-ча дийнахьа, Назрань-ГIала 240 шу дузаш, Юртбоахама министерства лаьрхIа я из цIай белгалде юртбоахама хьувкъама ярмарка дIаяхьарца.

Правительства председатела Сластенин Владимира хьалхадаьккхар, ГIалгIайчен мехкдас, укх тайпара 10 площадка е еза аьнна, яьча порученех, иштта ярмарка продукци хила еза лакхача боарамеи лохерча маьхахи.

Къамаьл де муниципалитеташца, кийчъяйта царга участкаш. Наха эшар ба, лохарча маьхе, дикал лакха дола, кхача, Иштта ца хуле — фу маIан да ярмарка?

Цу дешо таро лу бахархошта, шоашта эшшача маьхах, рынке санна доацаш, дарегIа бола кхача эца — аграрни ведомства викалга ший къамаьл тIадерзадаь, аьлар премьера.