Гӏалгӏайчен латархоша 5 майдилг яьккхар, Воронеже дӏайихьача Ерригроссийски яхье
13.10.2025 09:34
Гӏалгӏайчен спортсменаша шоай лоӏаме кӏалкхетаргах латарах 5 майдилг яьккхар Ерригроссийски яхьаш дӏахьош, уж хетаяь яр цӏихезача тренера Горожанкин Сергейна, яхаш, дийцар Гӏалгӏай Республикан спортивни Федераце «Сердало» газетага.
Яхьашка котало яккха къовсабелар мехка 27 миӏингера спортсменаш. Вай спортсменаша дикача толамашца бовзийтар хьамсара мохк. Имагожанаькъан Аласхана котало яьккхар, 65 кг дозал долаш. Цунца цхьана латархочун таро хилар Россе спорта мастера боарам тӏа вала. Цӏечой Аюбхан (57 кг), Буружанаькъан ӏадрахьман (65 кг), иштта Гарданаькъан ӏимран ( 70 кг) шоллагӏча моттиге хилар. Йовлой Самаил (70 кг) хилар цаӏ мара воаца Гӏалгӏайчера борза майдилг яьккхар», - аьлар хоамо.
