ГӏалгӀайчен латархоша, Нальчике дӀайихьача яхьашка, пхи совгӀат даьккхар
02.11.2025 12:03
ГӏалгӀайчен гулъяьча тоабо пхи совгӀат даьккхар эллиной-румий латарах Нальчике яхьаш дӀахьош, яхаш, дийцар «Сердало» газетага мехка спорта Министерствон зарбан болх лелабераша.
Яхьашка дакъа лаца таро хилар 8-15 шу даьннача 370 спортсмена. Дика кийчо яь хиларах цар дошо майдилгаш яьхар, иштта бархӀлагӀа моттиг а яьккхар командашта юкъе.
Диъ дошо совгӀат кхаьчар Эльбазов Мухьмада (68 кг), Йовлой Мухьмад-СаIида (44 кг), Балайнаькъан Мухьмада (41 кг),
Кавтаров Ӏумара (38 кг). Уж ба Гӏажарий-Юртарча физкультурно-унахцӀенон моттиге Ӏомалуш, цар тренер ва Йовлой Заьлмаха.
Коталонца иштта даькъалавийцар «Галашке» яхача физкультурно-унахцӀенон моттигерча тренера Къоастой Мухьмада Ӏомавеш вола Къоастой ИбрахӀим (65 кг).
