Долакха-Юртара латархой «Наьсарен Кубок» яхача республикански яхьашка котбаьлар
24.06.2025 11:21
Долакха-Юртарча латархоша тайп-тайпара совгӀаташ даьхар «Наьсарен Кубок» яха ММА латар дӀахьоча йийллача яхьашка, яхаш, дийцар «Сердало» газетага спорта лаьрххӀача викалаша.
«Шин дийнахьа дӀахьоча яхьашка шоай профессиональни говзал гойтар Долакха-Юртарча берий-ондаргий спортивни ишколе Ӏомалуш болча спортсменаша.
Баркинхой Мухьмад, Гасаранаькъан Мухьмад котваьлар. Олиганаькъан Абдул-Малика, Гелисханаькъан Мухьмада, Ӏарчакханаькъан Мухьаммада дото совгӀаташ даьхар. Келиганаькъан Ахьмада боарза совгӀат кхаьачар», - аьлар хоамо.
Тхоца къамаьлдаьчо яхачох, бераш Ӏомадеш ва Гелисханаькъан Ӏаддал. Цо новкъостал а деш, цар кийчо йир цу яхьашка.
