«Саккхаланаькъан Ахьмад, Шакренаькъан Iаьла «ЛоIамхо» яхача спортивни клубера ба, уж ба 86 кг дозал долаш, цу яхье вай республикера баха. Яхьаш дIаяхьа лерхI Московски областа Наро-Фоминск яхача шахьаре, тов бетта 14-ча денгара 18-ча денга кхаччалца. Кагирхой кийчбергба МагIалбика-Шахьара ФОКе. Цар хьалха а лоархIаме яхьаш дIайихьай. Шакренаькъан Iаьла СКФО-2023 хьалхлен дото совгIат даьккхарех ва, 24 шу даьннарашца яхьеваьнна. Уж яхьаш дIайихьар Якуте. Саккхаланаькъан Ахьмада а дукха ха яц ший лоIамеча латарах дIайихьача СКФО хьалхлен «боарза» совгIат даьккха», — аьлар вай спорт лелаераша.