Гӏажарий-Юртара кагирхой эллиной-румий латарах котбаьлар
Гӏажарий-Юртара кагирхой эллиной-румий латарах йолча яхье котбаьлар; шиъ дошо, шиъ дото совгӏаташ а доахаш, из дӏахьош яр Ерригроссийски берий-ондаргий спортивни «Котало» яхача фестивала чуйоагӏаш. Цох дийцар Сердало» газетага Шолжа кхален администраце хоамий гӏулакха кулгалхочо Цӏечой Беслана.
«Советски Союза Турпалхочун Идрисов Абухьажий сийна дӏахьош хиннача кхетачене таро хилар шоашта карагӏдоалар гойта. Кхаь дийнахьа спорта даькъ тӏа лаьттар терко тӏаозаш дола латар. Гӏажарий-Юртарча ишкола дешархоша Йовлой Мусас яьккхар 4 майдилг. Балайнаькъан Мухьмад турнира чемпион ва. Технически латарах из кхы а тӏехьара тӏа белгалвир, лаьрххӏа кубок луш.
Мержой ӏаддал иштта лакхача лагӏа тӏа ваьлар. Эльбазов Адам вар коталонга кхача цхьа гӏа мара ца эшаш, цо даьккхар «дото» совгӏат. Йовлой Мухьмад-Саӏида, яхьашка дика толам гойтарах, иштта шоллагӏа моттиг яьккхар», - аьлар хоамо.
Тхоца къамаьл даьчо яхачох, уж толамаш- латархой къахьегама чаккхе я, иштта цар хьехамчий Йовлой Заьлмахий, Бахаев Махьсе балха говзал лакха хилар а да.
