Яндарера латархой дакъа лоацаш хургба ММА Россе чемпионате
Яндарера латархой бокъо йолаш ба ММА Россе Хьалхале къовсача дакъа лаца, ГӏалгӀай Республикан чемпионате майдилгаш яьха хиларах. Из хоам «Сердало» газетага бир ондаргий, котбаьннарий хьехамчаша.
«Юкъара хьаийцача, дӀайихьача яхьашка берий-ондаргий Яндарерча ишкола викалаша 8 майдилг яьккхар. Цар толам баьккхар дикагӀбараш хоржача латара юкъе, къаьстта белгалваьлар Оздой Хьусен, КӀаражанаькъан Мухьмад. Чемпионий цӀераш хиларах, уж дӀахо ерригроссийски яхьашка баха безаш ба. Хамхой Руслан, Юсуф коталон цхьа гӀа мара гаьна бацар, царна елар шоллагӀа моттигаш. Пхьиленаькъан Абукара, Доврбиканаькъан Микаила, Медаранаькъан Юсуфа, Куштанаькъан Бахьаудина борза совгӀаташ кхаьчар», - аьлар спортивни урхаллене.
Тхоца къамаьл даьчо яхачох, программа чудоагӀаш дар гран-при кепара из хилар, тӀехкар даккхара шин яхьашка дакъа лоацаш вар хӀаравар.
