Ставрополерча турнире дикка белгалбаьлар Магӏалбикера спортсменаш
Ставрополе дӏайихьача Халкъашта юкъерча яхье дикка белгалбаьлар Магӏалбикера латархой. Из хоам «Сердалога» бир котбаьннарий тренер волча Гӏазакханаькъан Башира. «8-16 шераш даьннарашта юкъе дӏайихьар яхьаш. Къилбаседа Кавказа моттигашкара толашагӏа бола спортсменаш бар цига гулбенна хиннараш.
Магӏалбикерча ишколерча тоабан спортсменаша 4 майдилг ера цигара. Колой Саддама 44 кийла дозал дарашта юкъе котало яьккхар, 2015-ча шерарча спортсменашта юкъе дошо майдилг яьккхар Курскенаькъан ӏумара (54 кг), Цхьорой Абабукара «дотув» даьккхар яхьашка (65 кг); 10 шу даьннарашта юкъе шоллагӏча лагӏа тӏа ваьлар Каренаькъан Сулейман (28 кг)», - йоах тхога бенача хоамо.
Хьалхагӏа тха газето хоам баьбар, Гӏазакханаькъан Башира кхебаьча спортсменаша Ставрополе дӏайихьача
«Кӏант Ставрополе кхаьчав» яхача яхьашкара дошо, борза майдилгаш енай, аьнна.
