ГӀалгӀайчера ММА латархой дакъа лоацаш хургба, Ханты-Мансийскерча дунен чемпионате
21.11.2024 09:49
ГӀалгӀайчера спортсменаш дакъа лоацаш хургба ММА вӀашагӀъийнача латарах Ханты-Мансийск яхача шахьаре дӀахьоча дунен чемпионате, яхаш, дийцар «Сердало» газетага ГӀалгӀай Республикан спорта Министерствос.
«ХӀанз ГӀалгӀайчен спортсмений тоаба дакъа лоацаш я ГӀалгӀай Республикан вӀашагӀъийнача ММА латарах вола Федерацен президент, Россе гулъяьча тоабан воккхагӀа волча тренера болх бу Шоанахой Ваха керте волаш. Гаргарча пхе дийнахьа, цу лоархӀамеча яхьашка белгалваргва низ болаш вар. Вай мехкара чемпионате дакъа лоацаш ва Хамхой Адам (52,2 кг), Сириев Ӏаддал-Малик (56,7кг), Хьулахой Ювсап (65,8 кг), Хоасботанаькъан Аслан (120,2 кг)» - аьлар хоамо.
