ГӀалгӀайчен шоай лоӀаме кӀалкхетаргах латараш котбаьлар, Россе Хьалхале йоаккхача
05.05.2025 16:51
ГӀалгӀай Республикера ший лоӀамеча кӀалкхетаргах латара спортсменаш котбаьлар 16 шу даьннача ондаргашта юкъе дӀахьош хиннача Россе Хьалхален яхьашка, яхаш, дийцар «Сердало» газетага спортивни латара моттигерча Федераце.
«Ярыгин Ивана цӀерагӀча спорта цӀагӀа, Дарсиганаькъан Мухьмад-Амина дото майдилг яьккхар 35 кг дозал дарашта юкъе.
Олмазанаькъан Ӏаддала шоллагӀа моттиг яьккхар, 38 кг дозал долаш. Коталон цхьа гӀа мара гаьна воацаш вар 44 кг дозал дарашта юкъе Пхьиленаькъан Хьамзат. Тренера Бохтаранаькъан Махьмуда Ӏомабеш болча спортсменаша толамаш даьхар, юххера латаш мара эша ца эшаш», - аьлар спорта зарбан болх лелабеча ГӀаппархой Аишас.
Тхоца къамаьл даьчо яхачох, йоккха яхьаш дӀахьоча дакъа лоацаш вар мехка 500 спортсмен.
