Шале хиннача яхьашка, 4 майдилг яьккхар вай спортсменаша
15.09.2025 09:27
Ший лоӏамерча кӏалкхетаргах латарах йолча, СССР Турпала Нурадилов Ханпаша хетаяьча Нохчий мехкарча Шале дӏайихьача ерригача Россе яхье йиъ майдилг йоаккхаш белгалбаьлар Долакха-Юртара спортсменаш. «Сердалога» из хоам царна хьалахалаттараша бир.
«Нохчий мехкарча яхьашка лакха говзал гойтар Долакха-Юртарча берий-кагирхой спорта ишколерча вай кагирхоша. Укх бетта 13-ча денгара 14-ча денга кхаччалца лаьттар 14-17 шерашка кхаьчача спортсменашта юкъера яхьаш. Гаркхой Адам ( 55 кг), Осменаькъан Мансур ( 57 кг), Бештой Джабраил (68 кг), ӏаьленаькъан Мухьмад-Басир (71 кг) дото майдилгаш йоахаш, белгалбаьлар цига», - йоах тхога кхаьчача хоамо.
Гаркхой Шамал хьалхалатташ, кийчо еш ба спортсменаш.
