Вай мехкахочо Саккхаланаькъан Ахьмада СКФО яхьашка толам баьккхар
СКФО Хьалхале яккхарах йолча ший лоӀаме кӀалтохаргах латара U23 аьнна дӀахьош йолча яхье, Саккхаланаькъан Ахьмада котало яьккхар, дикагӀча кхаь латархочоа юкъеводаш, яхаш, дийцар «Сердало» газетага ГӀалгӀай Республикан физически культуран, спорта Министерствос.
«ДӀаяхача яхьашка, 24 шерга кхаччалца ха яьннарашта юкъе, дакъа лоацаш хилар 92 кг дозал дола Илдарха-ГӀалан «ЛоӀамхо» яхача спортивни клубе кхевеш вола вай спортсмен.
Ахьмад цу латарах йолча яхье толам баьккха цаӀ мара вацар, ГӀалгӀайчен 18 спортсмена юкъе. Юкъара дӀалаьрхӀача, Къилбаседа Кавказа ворхӀ моттигера венавар шоай низ а говзал гойта 260 спортсмен», - аьлар хоамо.
Белгалду, ГӀаьбартой-Балкхарой мехка вахача хана яьккха котало бахьан долаш, Саккхаланаькъан Ахьмад Россе Хьалхале яккхара яхье дакъа лаца бокъо йолаш ва, из дӀаяхьа лерхӀ Къарший-Черсий Республике, маьцхали бетта 15-19-ча деношка.
