Ерригача Россе универсиаде, дошо майдилг яьккхар Бӏарахой Исмаӏала эллиной-румий латарах
03.08.2026 08:58
«Ади Ахьмад» яхача спорта клуберча Бӏарахой Исмаӏала дошо майдилг яьккхар, Саранске дӏайихьача Ерригача Россе эллиной-румий оалача латарах йолча яхьашка. Из хоам «Сердалога» бир мехкарча спортацарча латарах йолча Федераце.
Российски 12 университетера тоабаш яр, яхьашка дакъа лоацаш. Толашагӏа вола 51 спортсмен вар, яхьаш дӏакъовлаш, шоай начӏал гойтар. 82 кг дозал дарашта юкъе белгалваьлар вай мехкахо.
«Ади Ахьмад» яхача клуба доакъашхой кийчон болх дика дӏахьош болга хьагойтар цига яьккхача дошоча майдилго.
Исмаӏал, цун тренераш цу толамца даькъалабувц тахан!
