Долакха-Юртарча спортсмена СаьпарӀаланаькъан ИсмаӀала толам баьккхар Якутске
07.07.2025 09:19
Долакха-Юртарча ший лоӀамагӀа кӀалкхетаргах латара спортсмена СаьпарӀаланаькъан ИсмаӀала, кӀимарса бетта 3-ча денгара 5-ча денга кхаччалца, Якутске дӀахьош хиннача Халкъашта юкъерча яхье дика толам баьккхар, яхаш, хоам бу «Сердало» газетага спортсмена хьехамчаша.
«Кхетаче хетаяь яр СССРа цӀихезача спорта мастера Пинигин Павла. 18 шу даланза болча кагирхошта юкъе низ а лоӀам а гойтар СаьпарӀаланаькъан ИсмаӀала, из Ӏомалуш ва Долакха-Юртарча берий-ондаргий спортивни ишколе.
Цунна карагӀдаьлар 60 кг дозал дарашта юкъе боарза майдилг яккха. Дикка дакъа юкъедихьад из яккхара тренера Ганенаькъан Беслана», - аьлар хоамо.
