ГӏалгӀайчен викала Латыранаькъан Ахьмада Россе кубке борза совгӀат даьккхар
11.09.2025 16:27
ГӏалгӀайчен эллиной-румий латархочо Латыранаькъан Ахьмада борза совгӀат даьккхар Россе Кубке, из дӀайихьар Нижегородски областе, яхаш, дийцар «Сердало» газетага спортивни латарах йолча Федераце.
Вай мехкахочо, «Ади-Ахьмад» спортклубе Ӏомалуш волча Латыранаькъанчо дика котало яьккхар 18 шу долча кагирхошта юкъе, 92 кг дозал дарашца яхьеваьнна. Профессиональни говзал лакха хиларах, цун таро хилар кхоалагӀча лагӀа тӀа отта.
Белгалду, Нижегородски областа Бор оалача шахьаре дӀахьош хиннача яхьашка дакъа лоацаш вар 500 спортсмен, мехка 51 моттигера вена.
