Къорача наьха яхьашка котало яьккхар вай мехкахочо
21.04.2025 09:17
Къорача наьха спорта яхьашка эллиной-румий оалача латарах котало ера вай мехкахочо Атиганаькъан Мухьмад-Амина. Из хоам «Сердалога» бир Минспорто.
«ГӀаьбартой-балкхарой мехка дӀайихьар 16-17 шерга кхаьчача спортсменашта юкъера яхьаш. Чегем яхача шахьаре латаш лакха говзал гойтар цо. 65 кийлах латтача дозалах эггара лакхагӀа долча лагӀа тӀа ваьлар из. Налганаькъан Тимури ТӀахьири бар Мухьмад-Амин кийчваьраш.
