Гӏалгӏайчен латархочо Пхьиленаькъан Хьамзата котало яьккхар, Россе хьалхале къайсача
20.10.2025 09:23
Гӏалгӏайчен ший лоӏамеча латара ишколе ӏамалуш вола Пхьиленаькъан Хьамзат котваьлар Россе Хьалхале яккхара яхьашка, уж дӏайихьар Наро-Фоминск оалача шахьаре, яхаш, дийцар «Сердало» газетага моттигерча спорта Министерствос.
«Яхьаш дӏайолаелар 18 шу даьннача 45 кг, 48 кг, 51 кг дозал долча ондаргашкара. Пхьиленаькъан Хьамзата таро хилар, 48 кг дозал дарашта юкъе котало яккха. Из диазза летар, дика спорта говзал гойташ. Кхозза латаш чот хилар 10:0, цкъа-12:2. Из котало бахьан долаш, Хьамзат Россе гулъяьча тоабан йизза бокъо йола доакъашхо ва», - аьлар спорта министерствос.
Белгалду, Хьалхален яхьашка вай латархоша ардара бетта 21-ча денга кхаччалца къовсамаш дӏахьоргдолга.
