Къорача наха юкъе дӀайихьача Россе чемпионате, котало яьккхар вай мехкахочо
02.06.2025 09:09
ХӀама хозаш боацарашта юкъе дӀайихьача йоккхача яхьашка, белгалваьлар вай мехкахо ГӀаьнтамаранаькъан Ӏалаудин. Из хоам «Сердалога» бир Минспорта зарбан болх лелабеча ГӀаппархой Аишас.
«86 кг дозал дарашца латаш, лакха говзал гойтар Налганаькъан Тимура Ӏомаваьча вай спортсмена. Каспийске 92 латархочо дакъа лоацаш дӀайихьача яхьашка котало яккхаро, гуйран тӀехьарча бетта Токио дӀаяхьа лерхӀача Сурдлимпийски ловзарий яхьашка дакъа лаца аьттув лу вай мехкахочунна», - дийцар тха газетага.
Россе 21 моттигерча спортсменашта шоай низ гойта аьттув белар Селий мехка дӀайихьача йоккхача яхьаша.
