Ший лоӀамагӀа вола латархо котваьлар кхыча хьисаперча яхье
21.10.2024 10:37
НачӀал долча ЦӀолой Бабуле, юха а лакхача боараме гойтар ший хьамсара ГӀалгӀайче. Спортсмена укх наькъа котало яьккхар AMC FӀght NӀghts 125 (Латара бийсаш) яхача яхьашка. Уж дӀайихьар укх деношка Соче, яхаш, дийцар «Сердало» газетага моттигерча спорта Министерствос.
Яхьий шоллагӀа дакъа дӀахьош, Бабуле шийца яхьеваьннача Юсупов Залимхана оагӀув лоацаш, массехказа бий техар. Из латар йистедаллалца хьалха хилар из, оалаш ма хиллара, ше «гӀалгӀай къаман хиларах», цудухьа лоархӀамеча яхьий чемпион а хилар», - аьлар хоам баьчо.
Белгалдаккха дезаш да, ГӀалгӀайче эггара наха дукхагӀа езаш йола спорт я ший лоӀаме латар. Каст-каста цох вай мехкахоша йоах майдилгаш, кхыдола совгӀаташ.
