Республикашта юкъерча яхьашка котваьлар вай къона спортсмен
14.06.2024 10:49
10-14 шерашка кхаьча болча ондаргий шоай лоӀамерча латарах йолча Крымерча яхьашка,котбаьннарашта юкъе нийсвелар вай къона спортсмен. Из хоам «Сердалога» бир спорта гӀулакхех йолча федераце зарбан болх лелабераша.
«Дикка къахьегаш хьавоагӀача вай мехкахочо борза майдилг яьккхар. Чербажанаькъан Адама хьехаш, «Чингиз» яхача клубе ший говзал лакхъеш ва Къоастой Ӏаддал-Малик», - йоах тхогарча хоамо.
