Ший лоӀамах кӀалкхетаргах летар Нохчий Республикерча Ерригроссийски яхье вахар
27.11.2024 09:51
Кхоане йолча латархочо, Ӏоахарганаькъан Ахьмада дакъа лаьцар, ГӀалгӀайчера викал волаш, Нохчий Республикан столице дӀахьош хиннача лоӀамеча латара яхьашка, аьлар «Сердало» газетага ГӀалгӀай Республикан спортивни латара Федераце.
«Массехк дийнахьа, мехка тайп-тайпарча моттигашкара вена хиннача 200 спортсмена шоай латара говзал гойтар цига. СССРа цӀихезача спорта мастера, дунен чемпиона Бисултанов Асланбека хетаяь дӀахьош хиннача яхьашка дика белгалваьлар cпортсмен. Из вар «ЛоӀамхо» яхача ГӀалгӀайчен спортклубе Ӏомалуш вола зӀамига саг.
70 кг дозал долча Ӏоахарганаькъан Ахьмада эшавир шийца латаш хинна Санкт-Петербургера спортсмен»,-аьлар хоамо.
Белгалду, котваьннача вай латархочун тренераш ба Мусаев Мухьмад, Ӏоахарганаькъан Муса.
